DËNIMET ME GJOBË PËR SHPIFJE/ 2019 viti që “shkundi” xhepat e politikanëve të opozitës. Nga Berisha deri tek…

29 December, 2019 k.autor Breaking News, Ekskluzive, Politikë

Në prag të mbylljes së vitit 2019, gjykata e Tiranës vendosi të dënojë për përhapje lajmesh të rreme ish-kryeministrin Sali Berisha dhe të dëmshpërblejë kryeministrin Edi Rama me shumën 500 mijë lekë si person i dëmtuar nga një shkrim në rrjetet sociale. Përveç gjobës, Gjykata e Civile Tiranë ka vendosur se Sali Berisha duhet të fshijë nga rrjetet sociale postimin.

Por 2019 ishte një vit i mbrapsht edhe për kolegët e Berishës të cilët iu “shkundën” xhepat pasi humbën gjyqet ku u akuzuan për shpifje. AlpeNews.al sjell të gjitha rastet ku politikanë të opozitës janë dënuar me gjobë për shpifje.

1. Një status i ish deputetes demokrate Jorida Tabaku publikuar në Facebook më 25 Tetor 2018 me Titull “Kumarxhinjtë e Politikës” ripublikuar më pas në shumë media online, është çmuar nga gjykata si shpifje ndaj kryeministrit Edi Rama. Zonja Tabaku është dënuar me 300.000 lekë gjobë dhe detyrimin e përgënjeshtrimit.

2. Kryeministri Edi Rama ka fituar edhe një tjetër përballje për shpifje me ish ministrin e mbrojtjes Arben Imami, i cili u dënua me 100.000 lekë gjobë.

3. Numri dy i PS Taulant Balla, i ka fituar përballjet në gjykatë me kreun e PD Lulzim Basha, Shkelzen Berishën djalin e ish kryeministrit Berisha.

4. Një tjetër ish deputete demokrate, Albana Vokshi u gjet fajtore për shpifje ndaj kryebashkiakut Erion Veliaj duke u dënuar me 100.000 lekë gjobë. Gjykata e konsideroi shpifje deklaratën e zonjës Vokshi që kishte bërë nga selia e PD se Erion Veliaj, po mbledh të dhënat e prindërve për fushatë në çerdhe dhe kopshte.

5. Ish ministria e arsimit Lindita Nikolla e fitoi përballjen për shpifje me ish deputetin demokrat Luciano Boci i cili u dënua me 50.000 lekë gjobë.