Gabriel Jesus i ka shpëtuar operacionit dhe pritet të kthehet të luajë për pak më shumë se sa një muaj.
Kështu braziliani Gabriel Jesus i cili e la fushën e lojës më shpejt për shkak të një dëmtimi në gju në ndeshjen ndaj Crystal Palace, nuk do ti nënshtrohet ndërhyrjes kirurgjikale. Ky është njoftimi zyrtar i klubit, që në fillim mendoi se braziliani pati një dëmtim shumë të rëndë.
“Falë Zotit dëmtimi nuk është shumë i rëndë dhe për momentin është evituar ndërhyrja kirurgjikale”, shkruan Gabriel Jesus në profilin e tij në Instagram.
Sipas të gjitha gjasave braziliani ka shpëtuar të paktën Botërorin e verës, ndërkohë parashikimet e rikthimit të tij mendohet se mund të jenë jo më shpejt se një muaj e gjysmë, pikërisht në kohën e ndeshjeve të Champions League.
