Ish-kryeministri Sali Berisha i ftuar në emisionin ‘Tempora’ ka reaguar pas deklaratës të ish-deputetes Jozefina Topalli për skenat e dhunës dhe flakëve në një shkollë të Shkodrës, ku u dogjën materialet e KZAZ që ndodheshin brenda një klase.
Topalli ka reaguar ashpër duke kritikuar demokratët për veprimin e tyre dhe sipas saj një demokrat i vërtetë nuk djeg as shkolla dhe as mandate.
Ndërkohë Berisha i është përgjigjur Topallit duke thënë se kjo nuk është një betejë për pushtet, por një betejë për votën e lirë.
“Kjo nuk është një betejë për pushtet, është një betejë për votën e lirë. Secili ka të drejtë të ketë mendimin e vet. Përsa i përket kësaj beteje, unë kam bindjen e thellë që është për mbrojtjen e votës”, tha Berisha.
