Partizani duket i angazhuar në merkato për të tashmen dhe të ardhmen. Krahas elementëve që do t’i duhen trajnerit Starova për pjesën e dytë të edicionit futbollistik, për të zëvendësuar të larguarit në fundvitin e shkuar dhe fillimvitin aktual, klubi duket se po investon edhe në afrimin e talenteve të rinj.
Njëri prej tyre është edhe 19-vjeçari Senad Hysenaj, i cili është “rrëmbyer” nga Akademia e Vllaznisë, nga të rinjtë kuqeblu. Sot ka qenë radha e prezantimit të këtij futbollisti të ri, për të cilin 15 herë kampionët e vendit kanë bërë këtë njoftim për shtyp:
“Klubi zyrtarizon arritjen e marrëveshjes me Senad Hysenaj. Drejtuesit dhe mbrojtësi 19-vjeçar kanë firmosur sot kontratën e bashkëpunimit mes palëve , e cila e konfirmon lojtarin shkodran pjesë të Partizanit deri në vitin 2021. Pas firmës së hedhur në kontratë, Hysenaj ka bërë prezantimin zyrtar në ambientet e klubit”.
