Një grua ndërroi jetë një ditë më parë në urbanin e linjës së Tiranës së Re, në rrugën Teodor Keko, pranë Astirit.
Ngjarja shkaktoi panik mes qytetarëve të tjerë që udhëtonin në këtë linjë urbani.
Sipas bluve, më datë 20.12.2017, në rrugën “Teodor Keko”, në autobusin e linjës Tirana e Re, ka ndërruar jetë shtetasja L.P, vjeç 53, banuese në Tiranë.
Sot ka dalë edhe shkaku i vdekjes së gruas. Blutë e kryqytetit bënë me dije se nga veprimet e kryera rezulton se, vdekja ka ardhur nga shkaqe natyrale, pasi vuante nga tensioni i lartë. Materialet u referuan në Prokurorinë e Rrethit Gjyqësor Tiranë.
