Është përfolur shumë lidhja e tij me modelen franceze: Antoni Çako e prezantoi Marie-në përpara shqiptarëve dhe vuri pikat mbi “i”.
E mori të dashurën me vete për të kaluar këtu pushimet e fundvitit, sepse Marie tani është bërë pjestare e familjes. Por kjo nuk do të thotë se do të martohen. Ai është 22, kurse ajo 17. Kanë gjithë kohën e botës!
Përveç kësaj, Antoni mendon se martesa s’ka ndonjë vlerë të veçantë: fundja, dy njerëz mund të rrinë me dhjetëra vite bashkë, e të ndahen, apo jo?
Antoni ishte i ftuar bashkë me të dashurën në “Jo vetëm modë” dhe tregoi se janë shumë të dashuruar. Ai producent muzike, ajo një vajzë me pamje interesante: ngjan çifti klasik artist-muzë. Dhe në fakt, Antoni tregoi se Marie është një muzë për të.
Por jo një nuse për Invën.
“Duhemi, por të flasësh për martesë është e tepërt. Mund të kalosh 20 vite me dikë, të ketë dashuri, dhe të mos martohesh.”
Marie tregoi se i pëlqen shumë muzika që ai bën, sepse siç e tha ajo me frengjishten e vet aq elegante, “krijimet e tij i ngjajnë Antonit”.
Marie tha se është e aftë ta dallojë nëse një këngë është e krijuar nga Antoni, edhe nëse ai ndryshon krejtësisht stil.
Lidhur me njohjen, Antoni shpjegoi se janë takuar prej një miku të përbashkët, pasi Marie jeton në një qytet tjetër, në Dunkerque./anabel
