Ish-eurodeputeti italian Lorenzo Cesa, i cili dha dorëheqjen 4 ditë më parë për shkak se u akuzua për lidhje me organizatën mafioze Ndrangheta, rezulton të ketë lidhje me një poltiikan të njohur shqiptar.
Bëhet fjalë për kryetarin e Partisë Demokristiane Nard Ndoka, i cili në zgjedhjet e 25 prillit do të kandidojë në listën e Partisë Demokratike.
Nard Ndoka ka miqësi me Lorenzo Cesën dhe kjo konfirmohet edhe nga një foto e 27 majit 2014 e publikuar nga vetë kryedemokristiani, ku shihet se të dy janë në një takim mjaft të përzemërt.
“Uroj mikun tim Lorenzo Cesa për fitoren si eurodeputet, aktualisht sekretar i përgjithshëm i Unionit Demokristian Italian UDC”, shkruan Ndoka krah fotos.
Kujtojmë se ditën e sotme kreu i grupit parlamentar socialist, Taulant Balla deklaroi në një komunikim për mediat se një politikan i djathtë është i lidhur me grupin mafioz italian “Ndrangheta” por nuk dha një emër konkret, ndaj mbetet të shihet nëse ky politikan është Nard Ndoka.
