Është publikuar fotoja e çiftit, Ramis Mici dhe Jetlira Elezi, ku kjo e fundit mbeti e vdekur në vend pasi u godit me thikë nga bashkëjetuesi në orët e para të ditës së sotme.
Ramisi, i cili sot i mori jetën Jetlirës për shkaqe xhelozie, ka pozuar i buzëqeshur krah saj pak kohë më parë, pasi nga veshja e tyre duket që nuk është foto e muajve të fundit.
Ata jetonin në lagjen “Skënderbej” prej 4 muajsh në një banesë me qira. 37-vjecarja ishte e divorcuar dhe kishte dy fëmijë nga martesa e parë. Edhe autori i vrasjet ishte i divorcuar dhe kishte dy fëmijë nga martesa e mëparshme. Po ashtu dyshohet se shkak për divorcin e tij ka qenë pikërisht dhuna.
Mësohet se para pesë ditësh, kishte ndodhur një sherr mes tyre dhe 37-vjeçari e kishte dhunuar bashkëjetuesen. Viktima kishte kërkuar ndihmë në polici dhe ishte pajisur me urdhër-mbrojtje. Prej asaj dite, ata jetonin në të njëjtën shtëpi por me dhoma të ndara.
