Detaje të reja janë mësuar nga ngjarja e rëndë që ndodhi pasditen e sotme në Bar Fokus në zonën e “Don Boskos”, ku mbeti i vrarë me armë zjarri një person dhe u plagosën 4 të tjerë.
Autorët kanë qëlluar me armë zjarri nga jashtë lokalit në drejtim të viktimës dhe të plagosurve, të ciliët ishin ulur në një tavolinë. Ngjarja dyshohet se ka ndodhur pas një konflikti mes dy grupeve të të rinjve.
Burime për mediat bëjnë me dije se viktima është Erion Çela, ndërkohë që policia po punon për kapjen e autorëve, të cilët u larguan me një automjet në drejtim të Laprakës.
