Dekretimi i Sandër Lleshajt në postin e Ministrit të Brendshëm ishte kryefjala e dy javëve të fundit në politikën shqiptare. ‘Telenovela’ mori fund mbrëmë, pasi kreu i shtetit firmosi dekretin e emërtimit, ndërsa, Artan Hoxha në një postim në faqen e tij në Facebook thotë se ironi se “Lleshi e çoi për “lesh” presidentin”.
Për ata që besuan se presidenti do e çonte Lleshin për “lesh”,….më duket se Lleshi e çoi për “lesh” presidentin!!! Tani që presidenti më në fund krijoi “bindjen” e plotë për ministrin e Brendshëm, me mbeti fiksim ajo pyetja numër 14-te e Metës: Si ta ketë mbiemrin vallë ky ministri i Brendshëm, Lleshaj si e propozoi Rama, apo Lleshi si është deklaruar në vendimet e gjykatës?!!!
