Faik Zeqja, 52 vjeç, është arrestuar për deklarim të rremë në Dibër, pasi u paraqit në spital me plagë në këmbë. Zeqaj pretendonte se ishte plagosur me armë zjarri nga disa persona të paidentifikuar, por pas hetimeve të policisë së Dibrës e vërteta qëndronte ndryshe.
Zeqaj është plagosur gjatë një aksidenti rrugor me makinën e tij, i cili i drejtonte i dehur. Sipas hetimeve bë aksin rrugor Shupenzë-Maqellarë, 52-vjeçari duke drejtuar automjetin tip ‘kamionçinë’, në gjendje të dehur dhe në sens të kundërt të rrugës, në momentin që ka zbritur nga automjeti, është dëmtuar në pjesën e këmbës dhe ka qëndruar në mes të rrugës.
Më pas ai është dërguar n qendrën shëndetësore në Maqellarë duke thënë se plagët i ishin bërë me armë zjarri nga persona të tjerë.
Pas vërtetimi se ai po udhëtonte në sens të kundërt, Zeqjës i është bërë dhe testi i alkoolit dhe ka rezultuar në gjendje të dehur në masën 0.61 mg/l.
52-vjeçari është arrestuar për “Drejtim i automjetit në mënyrë të parregullt” dhe “Kallzim i rremë”.
