Nënkryetari PD-së, Edi Paloka disa kohë më parë ka lëshuar një deklaratë të fortë në rast zhvillimi zgjedhjesh.
Paloka me 14 Prill në rubrikën “Opinion” në News 24 deklaroi ndër të tjera se nëse kryeministri edi Rama do të zhvillonte zgjedhje pa opozitën ai do të largohej përfundimisht nga skena politike.
“PD është rritur në sondazhe në pak kohë me 10 pikë. Ne po ecim si opozitë dhe rruga jonë është pa kthim. Vendimi politik nuk ka më ekstrem.
Do të ecim me këtë formë, me revolta dhe me çdo mjet deri sa ta detyrojmë Ramën të realizojë zgjedhje të ndershme. Ne nuk do të lejojmë këtë.
Nëse Rama zhvillon dot zgjedhje pa opozitën, unë do të dal nga politika dhe këtë po e them këtu”-deklaroi Paloka.
Sot kemi mbërritur në datën më të diskutuar në skenën politike gjatë këtyre muajve 30 Qershori dhe zgjedhjet u zhvilluan me një proces të qetë pa pjesëmarrjen e opozitës.
Tani natyrshëm lind pyetja se kur do ta japë dorëheqjen nga skena politike Paloka? Presim që Paloka të mbajë fjalën dhe të mos ndjekë shembullin e Lulzim Bashës.
