Midis të gjithë tensioneve të fundit mbi debatin politik, kreu i opozitës Lulzim Bashan ë një deklaratë të jashtëzakonshme për mediat ka kërcënuar hapur kryeministrin Edi Rama.
Gjithçka nisi sot kur një nga deputetët e PD, Agron Shehaj ndodhej në Jalë kur banesat po prisheshin dhe si pasojë pati një konflikt më kreun e IKMT-së Vlorë, Fatmir Metaj.
Kaq i është dashur kreut të opzoitës, që në deklaratën e tij të shprehej se “Nëse deputetëve të tij i preket dhe një fije floku, përgjegjësinë do ta mbajë Edi Rama në kokën e tij”.
Video:
Edi Rama do të përgjigjet me kokën e tij, nëse banditët e tij prekin një qime floku të deputetëve apo perfaqësuesve të opozitës. Deklaratë e jashtëzakonshme për mediat në selinë e Partisë Demokratike.
Posted by Lulzim Basha on Tuesday, September 18, 2018
Raste të tjera ku deklaratat kanë qënë të rënda:
“Thyeni xhamat, shponi gomat, do i marrim zvarrë”
Një nga deklaratat më të “guximshme” nga ana e tij, është bërë në shkurt kur kreu i opzitës ishte në “çadren e famshme”.
Basha tha se “do të vijë ora që do i marrim zvarrë në këtë shesh”.
Ai tha se ‘vala tjetër do i fshijë nga zyrat’.
“Nëse duan luftë, luftë do të ketë. Shpojini gomat, thyejuni dyert e dritare dhe nxirrini jashtë! Momenti po vjen ku nuk do të gjeni vrimë miu për tu futur, kur zemërata popullore të ngrihet. Ju bëj thirrje të gjithëve të marrim përgjegjësitë tona, të reagojmë orë e minutë për çdo padrejtësi, mos ktheni faqen tjetër por qëllojini me grusht”, tha Basha.
“Ajo është vija e kuqe, do të ketë pasoja të paparashikueshme”
31 Gusht/ “Mos t’i shkojë mendja ta sjelle në seancë [projektligjin]. Se cfarë do të bëjmë do ta shihni. Do të jetë shpallje e konftrontimit dhe përplases civile. Do të jetë asgjësim i Kushtetutës. Në nuk mund të lejojmë që mazhoranca të diktojë një ligj për grabitjen. Mos ti shkojë në mendje ta sjellë në seancë sepse do të përballet me pasoja të paparashikueshme. Ajo është vija e kuqe. Gjithcka do të jetë në dorë të njerëzve pastaj”, u shpreh Basha.
Përgatiti: AlpeNews.al
