Fëmijët mbi 12 vjeç duhet të mbajnë maskë kur dalin nga shtëpia. Ky është udhëzimi më i fundit nga OBSH dhe UNICEF.
Agjencitë botërore të shëndetit dhe përgjegjëse për të drejtat e fëmijëve nuk e kanë parë të domosdoshme mbajtjen e maskës tek fëmijët nën 12 vjeç. Bëhet përjashtim vetëm në zonat me ritëm të lartë infeksioni nga Covid-19. Shkollat janë gjithashtu një tjetër problem.
Ka situata kur maska mund të “ndërhyjë ndjeshëm në procesin e të mësuarit dhe të ketë një ndikim negativ në aktivitetet e rëndësishme të shkollës”, thanë ekspertë ndërkombëtarë që skicuan udhëzimet, transmeton Telegrafi.
Një grup ekspertësh thanë se fëmijët deri në moshën pesë vjeç duhet të jenë nën mbikëqyrje të vazhdueshme nëse mbajnë maska.
Sipas informacionit të mbledhura në të gjithë botën, vetëm rreth 1 deri në 7% e të gjitha rasteve të coronavirusit janë fëmijë dhe të rinj nën 18 vjeç.
