Të tjera detaje dalin në dritë nga krimi i dyfishtë brenda familjes në Vlorë, ku nipi 39-vjeçar Genci Koreta ka vrarë xhaxhanë e tij, Jorgji Koreta, 64-vjeç.
Të afërmit dhe fqinjët e Genci Koretës dhe Jorgji Koretës kanë folur për ngjarjen e rëndë që tronditi Vlorën mbrëmjen e sotme.
“Nuk di gjë fare çfarë ka ndodhur, në televizor po e dëgjojmë. I njohim të dy, më vjen keq për djalin, i pamartuar, është gati 40 vjeç”, u shpreh fqinja e viktimave.
“Nuk e di fare për çfarë kanë debatuar. Dëgjova ulërimat e të ëmës Djali ishte me të gjitha cilësitë, por ishte i pamartuar. Xhaxhai i tij rri me gruan në shtëpi. Jemi një fis me ta. Nuk kemi pasur asnjë ide për debate. Ai nuk fliste me gojë, jo të kishte debate. Xhaxhai jetonte në Vlorë, por nuk e dimë pse ka ardhur sot, mbase për të parë”, tha mes lotësh një tjetër.
Familjarët thonë se nipi me xhaxhain po punonin në ullishte kur ka ndodhur vrasja e dyfishtë dhe njëri prej tyre që u prezantua si djali i hallës të Jorgjit, u shpreh se mes tyre nuk ka pasur konflikte.
“Po nuk dimë gjë o vëlla. Te ullinjtë janë vrarë. Nuk dimë gjë. Te ullinjtë punonin nipi me gjithë xhaxhain. Përse u vranë nuk dimë gjë. Jorgjin e kam djallë halle. Nuk dimë gjë, ata kalonin mirë o burr i dheut“, tha ai.
