Reshjet e dendura të dëborës kanë ‘pushtuar’ gjatë natës së kaluar Korçën dhe Llogaranë. Ndërkohë, reshjet vijojnë me intensitet të lartë edhe sot, duke krijuar vështirësi në qarkullim, në zonën e Llogarasë.
Llogaraja është e kalueshme, por lëvizja e mjeteve kryhet me vështirësi. Është këshilluar që mjetet të përdorin zinxhirë, ndërsa siç shihet dhe nga fotot trashësia e dëborës arrin në nivele të larta.
(Pamje nga Llogaraja sot, e mbuluar nga dëbora)
Gjithashtu, në Dardhë dëbora arrin në 30 cm, në Voskopojë 10 cm dhe në aksin Qafë Thanë-Qafë Pllocë-Kapshticë deri në 7 cm. Edhe në zonën e Korçës akset rrugore janë të hapura, përveç Korçë-Dardhë dhe Qafa e Qarritë, të cilat kalohen me zinxhirë.
