Romela Begaj u shpall kampione e botës në Kampionatin e Peshëngritjes në Amerikë duke marrë medaljen e artë në stilin e shkëputjes.
Por pas fitores, Romela u kthye në Shqipëri bashkë me kreun e Federatës së Peshëngritjes, Elez Gjoza, dhe ajo që ra në sy ishte që ndryshe nga herët e tjera, Romela nuk u prit në Rinas nga Ministria e Sporteve. Një ndodhi e papritur, pas një fitore historike të arritur nga Romela Begaj, për të cilën pritej një ceremoni nga ana e krerëve të shtetit.
Por mungesën e përfaqësuesve të qeverisë në pritjen e Romelës, e shpjegoi Presidenti i Federatës, që thotë se për shkak të një angazhimi tjetër shtetëror nuk ka pasur përfaqësues nga Ministria e Arsimit.
Një tjetër mundësi mund të jetë edhe pritja e përgjigjeve të testit antidoping, e cila mund t’i ketë bërë zyrtarët e shtetit të jenë më të rezervuar përsa i përket kësaj çështje.
Kjo ndodh për arsye se në sportin e peshëngritjes mund të shpallesh kampion, por derisa të përfundojnë testet antidoping, të gjithë sportistët që kanë fituar medalje mund të rrezikojnë t’ju hiqen.
Ky është një fenomen i cili ka ndodhur shpesh në sportin shqiptar të peshëngritjes, ku duhet të rikujtojmë rastin në vitin 2014, ku peshëngritja mori një ‘shuplakë’ të rëndë pasi, pas rastit të Romela Begaj edhe dy peshëngritës të tjerë shqiptarë rezultuan pozitiv në testin anti-doping duke u pezulluar përkohësisht nga çdo aktivitet sportiv, nga Federata Botërore e Peshengritjes.
Bëhej fjalë për kampionin e Botës në stilin e shkëputjes në Peshëngritje, Daniel Godelli dhe kamionin e Europës për të rinjtë Hysen Pulaku.
E rëndësishme është që sportistët të marrin trajtimin e duhur financiar, që të motivohen për të arritur rezutlate sa më të mira në garat europiane dhe botërore, si edhe përmirësimi i kushteve të stërvitjes nga ana e Federatës, gjë që do të ndikonte direkt në rendimentin e tyre.
Përgatiti: AlpeNews.al
