Kryeministri Rama dhe gazetari Alfred Lela kanë debatuar ashpër mbrëmjen e sotme, teksa flisnin për shoqërimin me dhunë të gazetarit nga Policia në protestën e 17 majit në ditën e shembjes së Teatrit Kombëtar.
“Çfarë kërkon qytetari Lela kur shkon për të kapur prej duarsh tre punonjëse policie. Pra jemi në kushet kur një vajzë është kapur jo nga tre punonjës por nga tre punonjëse policie. Tani për çfarë shkoi zoti Lela aty, për të kërkuar ndonjë intervistë? E di zoti Lela që sipas ligjit Policia e Shtetit në kushtet kur përballet me një turmë protestuesish nuk njeh me asnjë individë. Komunikon vetëm me drejtues të këtij tubimi. Pse e kapërceu gardhin Lela, pse shkoi si trim për të kapur prej duarsh vajzat police”, tha Rama.
Ndërkohë, gazetari Lela reagoi ashpër pas kësaj deklarate të kryeministrit në emisonin Real Story, duke ulur pantallonat pra kryeministrit për t’i treguar shenjat e dhunës nga shoqërimi i Policisë.
“Do të drejtohem me Edi, në njëjës. Se je një njëjës i dëmshëm për këtë vend. Po më dhunon për herë të tretë”, tha Lela, ndërsa debati vijoi me tone të ashpra.
DEBATI:
Rama: Ti mua gishtin nuk ma drejton dot, e s’më flet dot në emër se kështu flisnin prokurorët e Enver Hoxhës. I drejtohet të ftyuarit pa pikën e etikës.
Lela: Nuk i heq asnjë presje ashtu siç e meriton. Se nuk të pëlqen ai gjesti i futje së asaj vajzës se je për dhunën ndaj tyre. Ajo zonjushë që quhet Silva Caka është marrë nga jashtë rrethimit.
Rama: Këto janë përrallat e tua, unë pash pamjet që më serviri Sokoli
Lela: Do ti shohësh shenjat e dhunës. Ja ku i ke (gazetari ul pantallonat)
Rama: Ti mund ti heqësh pantallonat
Lela: I heq se nuk më vjen turp nga ty
Rama: Ti… ti… ti duhet të tregosh…
Lela: Më lërë të flas (ngre zërin). Kam raportin.
Rama: Mos bërtit, avash. Mbërtheu, bravo. Mbërtheu. Se ca shenjash ke në trup janë shenjat e mjekësisë ligjore
Lela: Po turp të të vijë se në këtë vend që ti je kryeministër, e quan një dhunë në mes të ditës…
Rama: Unë jam i ftuar këtu për të dhënë opinionin tim
Lela: Është e filmuar në disa kënde
Rama: Unë flas për këndin e filmimit që pash këtu. Se zotërote ske ngrënë as shkelma…
Lela: Po pse tërheqja ime zvarrë s’është dhunë
Rama: Duhet të lexosh
Lela: Çfraë rreziku paraqesja unë?
Rama: Duhet të informohesh se çfarë detyrash ka policia
Lela: Si ja bërë unë të pamundur pocilisë që reagoi ashtu
Rama: Nëse ju zoti Lela pretendoni se tërheqja juaj prej krahësh është dhunë.