Në Philadephia u zhvillua debati i parë presidencial mes zëvendëspresidentes amerikane, Kamala Harris dhe ish presidentit, kandidatit republikan, Donald Trump.
Para fillimit të debatit, mes dy kandidatëve pati shtrëngim duarsh, teksa Harris iu afrua Trump te podiumi i tij.
Ekonomia, emigracioni, por edhe aborti apo lufta në Ukrainë e tensionet në Lindjen e Mesme, ishin disa nga çështje kryesore, ku Harris dhe Trump u përballën dhe patën përplasje me njëri-tjetrin.
Në fjalimet e tyre përmbyllëse, Harris deklaroi se do të ishte presidente e të gjithë amerikanëve dhe se nuk do lejonte që Donald Trump ta kthente SHBA pas.
Ndërsa Trump u shpreh se Harris duhet të largohet, teksa disa herë gjatë debatit, iu referua zëvendëspresidentes, si Joe Biden, pasi sipas tij, të dy kanë politika të njëjta.
