Është shoqëruar me debate mbledhja e Komisionit të Etikës pasi deputetët demokratë kërkojnë praninë e mediave, por kjo kërkesë është hedhur poshtë nga kryetarja e Komisionit, Klotilda Bushka.
Bushka kërkoi që deputetët të zhvillojnë seancë normale dhe të mos “bëjnë zhurmuesin”, por deputeti Bledjon Nallbati kundërshtoi duke thënë me ironi se “na pushkatoni s’ka problem, nuk çuditemi”.
Debati:
Vokshi: Nuk merr dot masa mbi ne, ku jemi këtu në komunizëm? S’jemi në diktaturë, ka procedura.
Bushka: Qetësoji kolegët që mbledhja të bëhet normale.
Vokshi: Kërkuam të mbyllet dhe të futet media, s’jemi në diktaturë.
Nallabati: Ne duhet t’jua dimë për nder se jeni mësuar bëni dënime pa gjyq meqë i referohemi rregullores po ju kërkojmë ta zbatoni, keni një kërkesë jashtë afateve tani ça do bëjmë këtu teatër, të mos flasim për të tjerat, një pyetje kam a nuk ju vjen zor nga vetja që jeni kthyer në mekanizma të vegjël pa vlerë që ju kurdisin?
Bushka: Detyrën po bëj.
Nallbati: Na pushkatoni s’ka problem, nuk çuditemi.
Bushka: Kujdes me çfarë thua.
Nallbati: S’jemi në shkollë nuk na mësoni të flasim.
