Helmimi nga ushqimi në tre dasma është kthyer në “makth” për më tepër se 35 raste. Personat të cilët kanë qenë në të trija dasmat, kanë konsumuar ushqim të njëjtë dhe janë paraqitur në Urgjencën e Elbasanit me simptoma të helmimit.
Disa prej të cilëve janë nisur në Tiranë për mjekim më të specializuar. Mesohet se në mesin e të prekurve ka edhe fëmijë.
MË PARË
Helmohen nga ushqimi në një dasmë, 10 persona në Elbasan.
Problemet te dasmorët, janë shfaqur paraditen e djeshme. Ata janë paraqitur njëri pas tjetrit në urgjencë, për ndihmë mjekësore. Mësohet se pas ndihmës së parë mjekësore, ata janë shtruar në spitalin e Elbasanit. Nga 10 të shtruarit, tre prej tyre paraqiten në gjendje më të rëndë. Personeli i këtij spitali, ka kaluar në gatishmëri.
