Katër mësues kanë dalë pozitivë me Covid-19 në qarkun e Korçës.
Mësohet se të gjithë mësuesit që kanë dalë pozitivë punojnë në shkolla 9 vjeçare. Dy mësues, çift bashkëshortësh, që japin mësim në Korçë kanë dalë të dy pozitivë. Ndërkohë, pozitivë ka dalë dhe një mësues në Ersekë dhe një në Bilisht, po në shkolla 9 vjeçare.
Sipas përditësimit të sotëm të Ministrisë së Shëndetësisë, gjatë 24 orëve të fundit kanë dalë pozitivë 132 qytetarë, 95 të tjerë kanë fituar betejën me infeksionin, ndërsa 3 kanë humbur jetën.