Kritiku u Kremlinit, Alexei Navalny është dërguar për kurim në Gjermani, ku do të marrë kujdes mjekësor, pasi aleatët e politikanit të opozitës akuzuan autoritetet ruse se po përpiqeshin të ndalonin evakuimin e tij.
Ai është në gjendje kome të induktuar, ndërsa truri ishte në gjendje të qëndrueshme, tha të premten stafi mjekësor në një spital të qytetit siberian të Omskit.
Navalny u dërgua në aeroportin e Omskit me një ambulancë disa minuta pas mesnatës, por aeroplani u ngrit dy orë më vonë, tha një dëshmitar i Reuters. Kira Yarmysh, zëdhënëse e Navalnyt, tha se gruaja e tij Yulia ishte gjithashtu në bord.
“Lufta për jetën dhe shëndetin e Alexei është vetëm fillimi dhe ka një rrugë të gjatë për të bërë, por të paktën hapi i parë është bërë,” shkroi Yarmysh në Twitter.
Mjekët gjermanë evakuuan 44-vjeçarin, me kërkesën e gruas së tij dhe aleatëve, të cilët pohuan se kanë frikë që autoritetet ruse mund të fshehin të dhëna se si u helmua.
