Media britanike The SUN ka publikuar një foto ku pretendon se pedofili Jeffrey Epstein dhe e dashura e tij, Ghislaine Maxwell janë bekuar nga Papa.
Në foton e publikuar nga The SUN, shihen miliarderi dhe “zonja” e tij që I siguronte vajzat e njoma, duke shijuar një audiencë private me kreun e Kishës Katolike në Vatikan.
Ata mësohet se kanë fluturuar në Romë me avion privat për bekimin e Gjon Palit II gati dy dekada më parë.
“Foto të tilla tregojnë se sa të fuqishme ishin lidhjet e Epstein dhe aftësia e tij për të hapur pothuajse çdo derë. Ai arriti të manipulojë pallatet mbretërore, Shtëpinë e Bardhë dhe Vatikanin, të gjitha me Maxwell në krah të tij.“, i tha një burim The SUN.
Ata shihen të buzëqeshur nën shoqërine e Papa Gjon Palit II, i cili udhëhoqi Kishën Katolike nga viti 1978 deri në vdekjen e tij në 2005, shkruan gazeta SHQIP.
Fotoja besohet se është realizuar në vitin 2003. Gjithsesi, në momentin e takimit, nuk ka patur akuza për përdhunim dhe marrëdhënie me të mitur ndaj miliarderit.
Miliarderi vrau veten në burg në 10 gusht, ndërsa po priste gjyqin për akuzat që ai drejtoi një grup prostitucioni për fëmijë.