Një ngjarje e rëndë ka tronditur ditën e sotme Loutrakin, në Greqi, pasi një grua me origjinë ukrainase dhe partneri i saj grek, janë gjetur të pajetë në shtëpinë e tyre.
Autoritetet greke kanë shpallur në kërkim një shqiptar, i cili ende nuk është identifikuar, por dyshohet se ka pasur lidhje me gruan, viktimë.
Raportohet se policia hyri në shtëpinë e tyre rreth orës 16:15 të pasdites, pasi një fqinje ishte ankuar se nga shtëpia përballë po rridhte gjak nga dera.
Më të hyrë në shtëpi, policia ka raportuar se ka gjetur të shtrirë përtokë viktimat, të mbuluar me gjak. Në trupat e tyre nga këqyrja paraprake vëreheshin shenja dhune dhe ishin plotësisht të zhveshur.
45-vjeçara me profesion fizioterapiste ishte nënë e një vajze 20 vjeçare dhe ishte martuar me një biznesmen nga Mykonos. Së fundmi ajo dyshohet se ka pasur lidhje me shqiptarin.
