Prisnim projekte të reja muzikore nga Dafina, por një intervistë për Harper’s Bazaar…le ta pranojmë, nuk është pak! Duffye mesa duket po hedh hapa të reja në industrinë e muzikës, ndërsa lajmin për këtë të re nga Zeqiri e ka bërë të ditur vetë këngëtarja, nëpërmjet një postimi në Instagram. Ç’ka thënë Dafina për Bazaar? Artistja ka folur për projektet e saj më të fundit, “Four Seasons” dhe “Told Ya”, duke iu referuar këtyre krijimeve edhe si inspirime për femrat në tërësi.
Duffye nuk ka lënë pa përmendur edhe vështirësitë e kaluara në fillimet e karrierës të ndërtuar në Kosovë, edhe pse Bazaar ka preferuar ta cilësojë Zeqirin si “këngëtarja suedeze”…gjithsesi, origjina e saj shqiptare nuk mohohet në asnjë çast gjatë intervistës. Mes frymëzimeve në muzikë dhe deklaratës se nëna është roli i saj model, duket se ky do të jetë një ogur i mbarë për Duffye-n. Tashmë, presim edhe më shumë të reja nga Dafina. Emocionuese, apo jo?
