“Vendimi i Qeverisë së Kosovës për të mos zbatuar marrëveshjen për formimin e Bashkësisë së komunave serbe, në fakt, është vendim i Prishtinës për të braktisur dialogun e Brukselit”.
Kështu ka thënë për “Sputnik” ministri i Jashtëm serb, Ivica Daçiç.
Qeveria e Kosovës nuk ka pranuar një marrëveshje për fillimin e hartimit të Statutit për themelimin e Bashkësisë së komunave serbe, e cila u arrit në një takim të mëhershëm në Bruksel, në prani të zyrtarëve të lartë evropianë.
Daçiç thotë se ekziston rreziku i kthimit të procesit negociues në pikën zero.
“Nëse një pjesë të rëndësishme të marrëveshjes që kemi rënë dakord me udhëheqësit shqiptarë në mënyrë të paskrupullt dhe pa u dënuar e refuzojnë ta implementojnë, Beogradi tani mund të marrë në konsideratë të shfuqizojë të gjitha marrëveshjet e mëparshme të cilat i kemi arritur në Bruksel”, deklaroi Daçiç. (TemA)
