Një shofer taksie është gjobitur me 14 000 lekë nga Rrugorja e Tiranës pasi lëvizi me taksi në korsinë e biçikletave.
Sipas njoftimit të bluve bëhet me dije se drejtuesi u ndëshkua pas një video të publikuar në rrjetet sociale.
“Menjëherë pas publikimit të videos, shërbimet e qarkullimit rrugor kanë kryer veprimet e nevojshme procedurale për rastin, dhe si rezultat i tyre është identifikuar drejtuesi i taksisë që shfaqet në video, shtetasi A. L.. Ky shtetas, së bashku me automjetin, janë shoqëruar në ambientet e Policisë.
Në përfundim të veprimeve procedurale, shtetasi A. L. është ndëshkuar me masë administrative 14 000 lekë, për shkelje të neneve 71/5, 101/7 dhe 144/2 të krKodit Rrugor”, informoi sot policia.