Partia Socialiste vetëm pak orë pas mbledhjes së mbrëmshme të Kryesisë, ka thirrur sot për një mbledhje në selinë qëndrore në Tiranë një tjetër mbledhje të rëndësishme. Në mesditë në selinë e kësaj partie, Nr. 2 i PS Taulant Balla, dhe sekretari i Organizimit Administrativ Bashkim Fino do të takohen me kryetarët e kësaj force politike në 61 bashkitë e Shqipërisë.
Nuk dihen shumë detaje rreth axhendës dhe temës së mbledhjes, por nisur nga ajo çfarë u tha se ishte diskutuar dje në mbledhjen e Kryesisë së kësaj partie nën drejtimin e Kryeministrit Rama, ecuria e procesit të analizave dhe zgjedhjeve të reja në Organaizatat Socialiste që rezultuan jo fituese në zgjedhjet e 25 qershorit, mund te jetë një nga pikat e mbledhjes. Nga ana tjetër, prania e z. Fino në këtë mbledhje, të kujton ultimatumin e tij në mbledhjen e Asamblesë Kombëtare të PS pak ditë më parë për 14 kryetarët e PS të bashkive që do jenë sot prezent në mbledhje, për të dhënë dorëheqjen pasi janë në shkelje të Statutit të kësaj partie i cili përcakton se ata duhet të mbajnë vetëm një funksion. Ose atë te Kryetarit te PS te Bashkise qe perfaqesojne, si funksionar i rregullt partie i paguar prej saj ose postet e tjera qe mund te kene ne pushtetin qendror ose lokal.
Per here te pare ne kete mbledhje, me cilesine e Kryetares se re te PS te Tiranes, mund te jete edhe Blerina Gjylameti.
Alpenews.al
