Para disa javësh FBI në një deklaratë tha se janë shtuar sulmet kibernetike gjatë pandemisë së koronavirusit. Ata hodhën akuza se disa vende po mundoheshin të vidhnin punën kërkimore amerikane për vaksinën.
Në atë kohë nuk u dha asnjë emër i vendeve të cilët po ‘sulmonin’ studimin, ndërsa tani pritet që FBI-ja dhe Departamenti i Sigurisë Kombëtare të akuzojnë publikisht Kinën se po përpiqet të vjedhë punën kërkimore, raporton ‘CBSneës’.
Zëvendës Ndihmësdrejtorja e FBI-së për Divizionin kibernitik, Tonya Ugoretz gjatë një deklarate tha se janë shtuar sulmet kibernitike, sidomos nga vendet të cilat kanë deklaruar se janë në kërkim për vaksinën anti-COVID-19.
“Ne sigurisht kemi parë veprimtari zbulimi, dhe disa ndërhyrje, nga vende dhe institucione që janë duke punuar lidhur me COVID”, tha Ugoretz.
Gjatë kohës së pandemi presidenti i SHBA, Donald Trump ka akuzuar në mënyrë të vazhdueshme Kinën, duke e akuzuar se virusi ka dalë nga një laborator në Wuhan dhe se shteti kinez nuk ka raportuar numrin e saktë të të infektuarve dhe vikimave.
Ndërkaq, në një konference për shtyp në Shtëpinë e Bardhë, Trump u pyet se aludohej se Kina po mundohej të vidhte punën kërkimore për vaksinën.
“Tani ju po më thoni se po hakojnë. Çfarë gjëje tjetër bën Kina? Më thoni. Ne po vëzhgojmë gjithcka nga afër,” u përgjigj presidenti Trump.