Dita e djeshme u mbyll me 3 viktima, dhe po sot janë shënuar 3 humbje jete në spitalin Infektiv duke e çuar në 59 numrin në total.
Sot humbi jetën një paciente 78-vjeçare nga Tirana me COVID, e transferuar nga një spital jopublik, ndërroi jetë në spitalin infektiv, megjithë trajtimin intensiv në reanimacion. Viktima e dytë është një pacient 83-vjeçar nga Durrësi, në terapi intensive, i cili vuante nga hipertensioni. Ndërsa i treti një pacient 69 vjeçar i cili vuante nga hipertensioni dhe ishte i shtruar prej 10 ditësh në spitalin Infektiv.
Duket se shifrat po vijojnë të jenë në rritje teksa duhet theksuar se distancimi social dhe shmangia e tubimeve masive nuk po zbatohet ashtu sikurse pritet e duhet nga qytetarët.
Thënë kjo pasi një pjesë e rasteve të konfirmuara në ditet e fundit kanë ardhur nga marrja pjesë në dasma apo funerale, duke kujtuar këtu katër rastet në Kukës.
Edhe 2 rastet në Kurbin të shenuara sot janë një punonjëse fasonerie dhe një tjetër grua që ka marr pjesë në një dasmë.
Tirana vijon të jetë vatra më e “nxehtë” e infeksionit teksa ndiqet nga Durrësi e Shkodra.
Shpërndarja gjeografike e rasteve aktive sipas qarqeve:
Tiranë 358
Durrës 198
Shkodër 155
Vlorë 100
Fier 47
Lezhë 39
Korçë 28
Kukës 18
Elbasan 13
Gjirokastër 7
Berat 6
Dibër 1
AlpeNews.al
