Pandemia e koronavirusit vijon të sfidojë Shtetet e Bashkuara edhe në ditët e para të vitit të ri. Këtë të dielë SHBA ka kaluar shifrën e 350 mijë viktimave, më konkretisht 358,948 viktima.
Në 24 orët e fundit në të gjithë vendin u shënuan 25.311 raste të reja duke e çuar bilancin në total të të infektuarve në afro 21 milionë.
Nju Jorku iu bashkua Kalifornisë, Teksasit dhe Floridës me më shumë se një milion raste të regjistruara. E njëjta gjë pritet të ndodhë edhe me Illinois.
Sistemi shëndetësor i Kalifornisë është i mbingarkuar. Ambulancat presin me orë për të dorëzuar pacientë të rinj.
Zyrtarët në Karolinën e Veriut po ndërtojnë spitale të improvizuara për të rritur kapacitetet. Në Masaçusets, që nga dita e falenderimeve, numri i pacientëve të shtruar në spital është rritur me 60 për qind.
