Sot anë regjistruar 5 viktima dhe 117 raste të reja me koronavirus në Kosovë, njofton Instituti Kombëtar i Shëndetësisë Publike (IKSHPK).
Ky rezultat vjen pas testimit të 464 mostrave të dyshuara me infeksionin COVID-19, bën të ditur IKSHPK.
Numri total i rasteve pozitive është 14.027 raste nga 53.554 persona të dyshimtë në virusin SARS-CoV-2 dhe 556 raste të vdekjes.
Ndërkaq, gjatë 24 orëve të fundit, janë shëruar 131 pacientë derisa numri i përgjithshëm i të shëruarve deri më sot është gjithsej 10.431 raste.
Numri i rasteve aktive është 3.040. Të shtunën, Komiteti për menaxhimin e pandemisë COVID-19 në Kosovë, pas vlerësimit që i është bërë situatës epidemiologjike me COVID-19, ka bërë të ditur se edhe përkundër një rënie të lehtë të numrit të rasteve me koronavirus, masat për parandalimin e përhapjes së pandemisë COVID-19 do të mbesin në fuqi.
Ministri i Shëndetësisë në Qeverinë e Kosovës, Armend Zemaj, në një konferencë për media ka bërë të ditur se ende mbesin sfida serioze sa i përket menaxhimit të pandemisë COVID-19.
