Gjatë 24 orët e fundit në shtetin fqinj, Greqinë, kanë rezultuar 1.165 raste të reja dhe kanë humbur betejën me COVID-19 31 persona. Numri i infektimeve dy ditët e fundit ka pësuar një ulje të ndjeshme, ndërsa ai i viktimave nuk pësuar ndryshime të mëdha.
Megjithëse duket se situata epidemiologjike në vend është drejt përmirësimit, numri i pacientëve të intubuar në spital është 332, prej të cilëve 298 janë të pavaksinuar kundër COVID-19.
Numri total i viktimave ka shkuar 14.920, ndërkohë që ai i infektimeve ka shkuar 661.308 në të gjithë vendin që nga fillimi i pandemisë.
