Ndonëse Australia është një shtet me mbi 25 milionë banorë, COVID-19 në këtë shtet, nuk ka qenë aq shumë i përhapur sa në vendet e tjera të globit. Mediat e huaja shkruajnë se Australia raportoi të shtunën rastin e parë lokal me COVID-19, dy javë pasi vendi nuk kishte shënuar asnjë infektim.
Sipas Reuters, kryeministrja e shtetit Queensland, Annastacia Palaszczuk, tha se në të gjitha spitalet e vendit, në dy javët e fundit janë trajtuar vetëm dy pacientë me COVID-19, të cilët kanë rezultuar të prekur me variantin britanik.
“Është një mjeke e nderuar ajo që monitoroi dhe trajtoi dy pacientët e infektuar me COVID-19. Tani edhe ajo ka shfaqur simptoma”, u shpreh kryeministrja.
Reuters më tej shkruan se ky është rasti i parë lokal në Australi që nga data 24 shkurt. Mjekja, identiteti i së cilës nuk bëhet i ditur, trajtoi pacientët e infektuar dhe dyshohet se gjatë kësaj kohe është infektuar dhe vetë.
