Shërbimi në restorante duket se do të pësojë një transformim në epokën e koronavirusit. Në Holandë, po testohen kabinat prej xhami në natyrë, ku mund të shijosh një vakt të këndshëm, duke qene edhe i mbrojtur nga Covid 19.
Kjo është ideja që propozon një restorant holandez për të vijuar aktivitetin në epokën e koronavirusit. Kabina të vogla xhami, në formën e hapësirave intime për të shijuar një vakt të këndshëm në natyrë. Koncepti aktualisht po testohet vetëm për familjen dhe miqtë e stafit të restorantit ETEN, i cili është pjesë e qendrës së artit Mediamatic.
“Është ambient shumë mikpritës, i kendshwm dhe ushqimi është i shijshëm”, tha Janita Vermeulen, e cila ishte e ftuar në një darkë provë me shokun e saj të dhomës.
Organizatorët e quajnë projektin “Serres Séparées” (sera të ndara) sepse thonë se tingëllon më mirë në frëngjisht.
“Tani jemi duke mësuar se si të pastrojmë, si ta bëjmë shërbimin, si të nxjerrim përsëri pllaka boshe në një mënyrë elegante, kështu që do të ndjeheni ende të kujdesshëm”, tha Willem Velthoven nga Mediamatic.
Restorantet holandeze janë të mbyllura për publikun të paktën deri më 19 maj, megjithëse kuzhinat janë të hapura. Shoqata Hollandeze e restoranteve KNH tha se megjithëse restorantet mund të rihapen me kapacitete të kufizuara dhe masa sigurie në vend, shumë përballen me kosto financiare për të respektuar rregullat për distancimin social.
