Ministria e Brendshme greke ka dhënë një lajm të mirë ka vendosur që të shtyjë vlefshmërinë për lejet e qëndrimit për shqiptarët që u kanë skaduar dhe nuk kanë mundur t’i rinovojnë për shkak të COVID-19
Greqia ka vendosur të shtyjë deri në datën 31 mars të vitit 2021, afatin e lejeve të qëndrimit që skadonin nga 1 janari deri në 31 korrik 2020 dhe lejet që skadojnë nga 1 gushti 2020 me datë skadimi deri më 31 marsi i 2021-shit do të shtyhen edhe për 8 muaj të tjerë nga dita e skadencës së tyre.
Duhet sqaruar se leja e qëndrimit do të fillojë ditën kur ka skaduar edhe pse rinovimi i saj mund të shtyhet në mars apo në gusht të 2021. Kjo ka një avantazh pasi në llogaritjen e kohës së qëndrimit në Greqi nuk do të ketë shkëputje. Kjo është e rëndësishme për shqiptarët që duan të marrin leje qëndrimi në vendet e BE apo edhe nënshtetësi greke, pasi është e rëndësishme që në këto raste të mos kesh shkëputje nga leja e qëndrimit në shtetin grek.
Qeveritare greke thanë se po merren masa që edhe emigrantët që jetojnë në vend të trajtohen njësoj si vendasit jo vetëm nga ana financiare, por edhe për sa i përket pajisjes me dokumente, ndaj edhe për ta janë marrë masa lehtësuese për përballimin e efekteve të Covid-19.
