Vendosja e maskës në publik është bërë e detyrueshme në të gjithë Parisin dhe disa zona përreth, mes një rritje të rasteve të Covid-19 në Francë.
Masa vjen një ditë pasi vendi regjistroi 6.111 infeksione të reja, numri më i lartë që nga fillimi i majit.
Numri i “zonave të kuqe” ku virusi është në qarkullim aktiv është rritur nga dy në 21.
Duke shpallur frenime të reja lokale të enjten, Kryeministri Jean Castex tha se ai dëshironte të shmangte një bllokim tjetër të përgjithshëm.
Ai tha se koronavirusi ishte “duke fituar terren” në të gjithë Francën, dhe se nëse qeveria nuk vepronte shpejt, rritja e infeksionit mund të bëhej “eksponencial”.
Më shumë se 30.500 njerëz kanë vdekur në Francë që nga fillimi i epidemisë dhe pothuajse 300,000 janë infektuar në Francë.
Një numër i vendeve evropiane po shohin një rritje të rasteve të reja, dhe Gjermania po planifikon gjithashtu rregulla më të forta.
Kancelarja Angela Merkel paralajmëroi të premten se në muajt e ardhshëm gjërat do të bëhen “edhe më të vështira se tani”, pasi njerëzit kanë qenë në gjendje të shijojnë jetën jashtë gjatë verës.
