Sot ka dy raste te reja me COVID-19 në rrethin e Krujës, janë dy kontakte familjare të rasteve të djeshme.
Një ndër të infektuarit është punonjëse laborante e Drejtorisë së Shëndetit Publik në Krujë, e cila nuk ka qenë asnjë ditë në terren duke marrë tampone apo kampione. Duhet theksuar se analizat e tamponeve nuk bëhen në Krujë por në Tiranë gjë që përjashton mundësinë që ajo të jetë infektuar nga tamponet.
Po hetohet nga se mund të jetë infektuar punonjësja pasi dhe burri i saj është mjek por ka rezultuar negativ nga Covid, ky i fundit po hap probleme për sa i përket izolimit pasi nuk po e respekton. Ai po lëviz lirshëm gjë që ka bërë që DSHP t’i drejtohet policisë për ta bindur që të qëndrojë në shtëpi.
