Për herë të parë çmimi i naftës në SHBA ka rënë nën zero për një fuçi, pas krizës së madhe nga pandemia e koronavirusit, që e ka zhdukur thuajse plotësisht kërkesën.
Kërkesa fizike për naftë bruto është “tharë”, duke bërë që në shumë vende të botës, si dhe në SHBA të ketë rezerva të mëdha të pashfrytëzuara, teksa qindra-miliona njerëz qëndrojnë të izoluar në shtëpitë e tyre.
Asetet e kompanisë teksane e WTI ranë nga 19.06 dollarë, ose 104.3%, në 79 centë për fuçi duke arritur nivelin më të ulët të të gjitha kohërave – 1.43 dollarë për fuçi. Por rënia drastike e çmimit të naftës bruto për fuçi në Amerikë lidhet ngushtë me mënyrën se si funksionon kontrata e kësaj kompanie dhe me mungesën e depozitimit të naftës.
E thënë me fjalë të tjera, çmimi i një fuçie nafte tashmë është aq i ulët sa që nuk mbulon dot kostot e depozitimit të naftës, duke bërë që të dalë me rezultat negativ, në një kohë kur depozitat janë të tejmbushura për shkak të uljes së kërkesës. Kosto e depozitimit ka mbetur e pandryshuar.
