Britania e Madhe do të nisë sot vaksinimin me dozat e parë të Oxford-AstraZeneca, duke përshpejtuar programin e saj të vaksinave për të trajtuar rastet në rritje të koronavirusit.
Më shumë se 500.000 doza janë në dispozicion, fillimisht në gjashtë spitale Oxford, Sussex, Lancashire, Warwickshire dhe dy në Londër, ku dhe do të nisë sot vaksinimi.
Sekretari i shëndetësisë e përshkroi këtë si një “moment kryesor” në luftën kundër virusit, pasi vaksinat do të ndihmojnë në frenimin e infeksioneve dhe që lejon që masat të lehtësohen.
Ndërsa mbrëmjen e djeshme kryeministri britanik Boris Jonhson ka paralajmëruar rregulla më të ashpra në luftën ndaj virusit që mund të jenë të nevojshme për një periudhë afatshkurtër.
Kujtojmë që më 30 dhjetor, 2020, Britania u bë shteti i parë që miratoi për përdorim vaksinën kundër koronavirusit të kompanisë AstraZeneca dhe Universitetit të Oxford-it – duke shtuar edhe një armë në arsenalin e këtij vendi, në luftën kundër pandemisë.