Në një intervistë të gjatë të dhënë për Barça TV, ylli brazilian Philippe Coutinho, i porsa transferuar nga Liverpool te Barcelona për 160 milionë euro, ka folur edhe për eksperiencën e tij te Inter.
Një aventurë që ka shënjuar karrierën e tij, duke qenë skuadra e parë në Europë, por njëkohësisht e konsideruar edhe si një eksperiencë e dështuar, për minutazhin e reduktuar në dispozicion të brazilianit, dhe rendimentin jo në përputhje me pritshmëritë gjatë sezoneve 2012-2013.
“Nisa të kuptoj faktin që po bëhesha futbollist profesionist, pikëirsht ditën kur firmosa kontratën time të parë me një klub europian, Inter, por isha shumë i ri, vetëm 16 vjeç. E shihja se si gjërat po bëheshin gjithmonë e më serioze, por ishte e vështirë për një djalosh që vinte nga një tjetër kulturë dhe që kishte lënë gjithçka.
Zgjati dy vite, erdha me prindërit e mi dhe të fejuarën, që tashmë është bërë bashkëshortja ime. Milano më dukej gjigante, klubi kishte shumë kampionë. Ishte një eksperiencë e shkëlqyer, por e vështirë. Sikur të kisha vajtur i vetëm, atëherë do të kisha vdekur. Kisha nevojë për mbështetjen e të fejuarës time dhe të kisha pranë familjen”, rrëfeu Coutinho, për eksperiencën e tij zikaltër.
