Presidenti i Kosta Rikës Luis Guillermo Solis konfirmoi në një deklaratë se 12 persona kanë vdekur në një aksident ajror në vend, ndër të cilat ishin 10 amerikanë dhe dy shtetas nga Kosta Rika.
Aeroplani i pasagjerëve me 10 të huaj dhe dy anëtarë të ekuipazhit u rrëzua të dielën në Guanacaste, një provincë në veriperëndim të vendit.
Raportet e mediave lokale sugjeruan se ata në bord përfshinin pesë anëtarë të një familjeje të vetme.
Gjithashtu nga raportimet e mediave vendase mësohet se nuk kishte të mbijetuar.
Guillermo Solis tha se një hetim mbi aksidentin do të fillojë nesër. Shkaku i rrëzimit aktualisht është i panjohur.
Ish-presidenti i Kosta Rikës Laura Chinchilla shkroi në Twitter se kushëriri i saj, Juan Manuel Retana, ishte ndër të vdekurit.
“Një vdekje e ka ndërprerë festimin tonë të familjes, kushëriri ynë i dashur vdiq si pjesë e ekuipazhit të avionit që u rrëzua në Guanacaste, Zoti dhëntë guxim për fëmijët e tij dhe vëllezërit e motrat, dhe u prehtë në paqe. Ti do të qëndrosh në zemrat tona #Juanmanuel Retana” u shpreh ai.
