Antonio Conte i ka mohuar zërat se është ndër kandidatët kryesorë për ta marrë drejtimin e Kombëtares së Italisë, duke thënë se ka kontratë me Chelsean dhe synon ta respektojë.
Dje, Federata e Futbollit e Italisë konfirmoi se Conte ishte njëri prej katër kandidatëve që janë duke u konsideruar për ta zëvendësuar të shkarkuarin Giampiero Venturan, me zv/presidentin e komanduar të zgjedhur dje, Alessandro Costacurtan, që pohoi se po shkonte në Londër për të biseduar me Conten, transmeton Express.
Megjithatë, Conte ka thënë sot në një konferencë për media: “Mund t’ju them se Costacurtan e kam mik dhe kemi luajtur së bashku në ekipin kombëtar më 1994”.
“Mbase ai ka harruar se i kam 18 muaj në kontratë në Chelsea dhe vullneti im është të përmbush këtë kontratë”, shtoi ai.
