Çmenduri në Tiranë, me 118 km/orë dhe të dehur. Policia aksion gjithë natën, pranga 2 shoferëve

Policia rrugore e Tiranës ka qenë gjatë gjithë natës prezente në rrugët e kryeqytetit për të evidentuar rastet e shkeljes së rregullave të qarkullimit nga drejtuesit e mjeteve. Mësohet se policia ka pezulluar 12 leje drejtimi dhe ka arrestuar 2 shoferë. Kjo, pasi janë hasur raste të drejtimit të automjetit me shpejtësi tej normave të lejuara nga 90-118 km në orë.

“Në rrugën “Ferit Xhajko”, Tiranë. -1 gradë temperatura në rrugë. 0.20 mg/l e deri 0.74 mg/l konsum alkooli nga drejtues mjetesh. 12 leje drejtimi të pezulluara. Dy drejtues mjetesh në pranga. “Edhe pse mund t’ju kenë qerasur të tjerë, nëse përdorni alkool dhe drejtoni mjetin nën efektin e alkoolit, do t’ju zbrazet xhepi për 6 muaj sepse do duhet te përdorni mjete të tjera transporti, urban, taksi dhe të gjithë në shtëpi do t’ju ngarkojnë me faj…”, thuhet në njoftimin e policisë në orët e para të mëngjesit.

Ndërsa më herët, ndërsa publikohej edhe video nga aksioni në faqen e Policisë së Shteti shkruhej: Deri tani 10 leje drejtimi të pezulluara për shpejtësi nga 90 deri 118 km/orë , ku shpejtësia në qendër të banuar lejohet jo më shumë se 40 km/orë. “Mos nxitoni, festat janë aty”. “Patenta është shumë e vlefshme, do humbisni shumë më shumë se çdo fitonit duke qarkulluar me këtë shpejtësi në qendrat e banuara”. Respektoni rregullat e shpejtësisë, të siguroni jetën në radhë të parë dhe sigurisht edhe Lejen e Drejtimit ta keni në xhep./ bw