Pas humbjes kundër Benevento të vendit të fundit, në ndeshjet e fundit për vitin 2017 në Serie A, Chievo synon të nisë kthesën në 2018-n. Sfida e radhës do të jetë kundër Udinese, një prej ekipeve më në formë të kampionatit italian. Chievo ka fituar vetëm 1 nga 10 ndeshjet e fundit të luajtura në kampionat, duke humbur gjashtë prej tyre dhe renditet në vendin e 13-të të kampionatit, vetëm gjashtë pikë mbi zonën e rënies nga kategoria. Krejt ndryshe është situata te Udinese që është ngjitur në vendin e shtatë pasi ka fituar pesë ndeshjet e fundit.
Udinese është e vetmja skuadër në kampionatin italian që nuk ka arritur asnjë barazimi, duke fituar 9 dhe humbur 9 nga 18 ndeshjet e luajtur
Ardhja e trajnerit të ri Massimo Oddo ka ndikuar pozitivisht te friulianët që nën drejtimin e tij kanë humbur vetëm kundër Napoli kryesues dhe i kanë fituar të gjashtë ndeshjet e tjera. Chievo ka fituar vetëm 1 nga 5 ndeshjet e fundit të luajtur në shtëpi, kundër SPAL dhe kanë pësuar gol në 7 nga 9 ndeshjet e luajtura brenda sivjet. Çudia është që ata e kanë ruajtur rrjetën e paprekur kundër Napoli dhe Roma.
Kurioz është fakti se në ndeshjet e luajtur nga Chievo brenda mesatarja ka qenë 2.89 gola për ndeshje, ndërsa në ndeshjet e luajtura nga Udinese jashtë fushe, mesatarja ka qenë 3.25 gola për ndeshje. Me ardhjen e trajnerit Oddo te Udinese, ka rilindur edhe sulmuesi Kevin Lasagna, i cili ka shënuar gjashtë gola në shtatë ndeshjet e fundit që ka luajtur.
