Edmond dhe Erald Preçi nga qyteti i Lezhës janë masakruar me thika mbrëmjen e të shtunës në Londër.
35-vjeçari Edmond Preçi ka gjetur vdekjen e menjëhershme ndërsa vëllai i tij Eraldi ndodhet në gjendje kritike për jetën
Ngjarja ka ndodhur rreth orës 21:45 në Greens Lane, pranë stacionit Turnpike Lane, në veri të Londrës. Viktima u gjet i plagosur në gjendje kritike për jetën në sheshin ku dhe ndërroi jetë.
Autoritetet po presin ekspertizën mjeko ligjore të trupit, ndërsa kanë nisur hetimet për nisjen e konfliktit.
Pista kryesore është ajo e përplasjes midis dy grupeve rivale në rrugët e Londrës.
Por, rasti i Jonuzit nuk është rasti i parë në të cilin shqiptarët kanë përfunduar të vrarë dhe autorët e paidentifikuar. Madje, nuk është as i vetmi ku dyshohet se shkak janë bërë grupet rivale.
Jozef Boçi 30-vjeçar ndërroi jetë në një spital në Angli, pasi u godit me sende të forta në një sulm nga disa persona, më 17 shkurt.
Raportohet se ngjarja e rëndë ndodhi në juglindje të Londrës. Policia angleze ka arrestuar tre persona për dhunimin me vdekje që ju bë shqiptarit, dhe ka nisur hetimet për vrasje. Boçi mori plagë të forta në kokë të cilave nuk mundi ti mbijetojë duke ndërruar jetë të premten. I riu jetonte në Catford.
Viktima u sulmua në Rrugën e Lartë të Greenëichit pas një sherri që shpërtheu mes dy grupeve.
Tre burra, të moshës 20, 21 dhe 29, janë arrestuar me dyshim për vrasje dhe janë marrë në paraburgim në një stacion të policisë jugore të Londrës.
Gjendet i plagosur në rrugë:
Një shqiptar në Britani është gjetur i plagosur në rrethana të paqarta në rrugë. Ndonëse ai u dërgua me shpejtësi në spital, nuk mundi që të mbijetonte. Policia ka mundur të identifikojë të riun nga Shqipëria dhe ai është Shkëlzen Dauti 21 vjeç dhe që njihej nga miqtë me emrin Genny.
I riu kishte një vrimë në gjoks dhe besohet se është qëlluar me thikë. Ngjarja ka ndodhur në Gilpin Close, Southampton rreth orës 1: 30 të mëngjesit.
Sipas familjes, Dauti njihet me disa nofka nga rrethi i tij shoqëror. “Në vendin ku u gjet 21-vjeçari janë vendosur buqeta me lule dhe lexohen mesazhe:-‘Jetofsh në paqe, tepër i ri për të shkuar atje”.
Me datën 27 shtator të vitit 2017 një tjetër shqiptar i identifikuar si Vilson Meshi 31-vjeç nga Hasi u gjet i djegur në makinën e tij.
Dy vrasësit e tij janë dënuar tanimë nga drejtësia angleze, dhe vrasësit janë një 18 dhe 16 vjeçar.
Gjithashtu në vitin 2015 në Angli është vrarë edhe një 17-vjeçar i identifikuar si Vako Kako, për arsyeje ende të paqarta.
Përgatiti: AlpeNews.al
