Aksidentet mbeten një shqetësim kryesor në Shkodër. Brenda 24 orëve janë shënuar tre të tillë. Fatmirësisht nuk ka pasoja në jetë njerëzish në tre aksidentet e ndodhur por ajo që mbetet shqetësuese janë shifrat gjithnjë e në rritje.
Kështu aksidenti i parë ka ndodhur në lagjen Skenderbeg në Shkodër teksa shtetasi Z.H, vjeç 33 ka aksidebtuar me mjetin e tij tip Renault shtetasin Gj.N vjeç 50 banues në fshatin Juban të njësisë Guri Zi. 50 vjeçari po ecte me një motoçikletë kur është aksidentuar ndërsa ndodhet jashtë rrezikut për jetën.
Po ashtu në hyrje të Shkodrës në lagjen Liria shtetasja E.M vjeç 31 ka aksidentuar shtetasin R.K vjeç 71. Shtetasja E.M po ecte me mjetin e saj tip Volksvagen teksa ka aksidentuar 73 vjeçarin që ndodhej në biçikletë. Shtetasi R.K është jashtë rrezikut për jetën.
Aksidenti i tretë është në Vau Dejës. Shtetasi D.H vjeç 74 ka qenë duke drejtuar pa leje drejtimi motorin tip Yamaha, pa targë teksa është përplasur me mjetin tip Daimler Chrysler me drejtues shtetasin F.D vjeç 23, banues në fshatin Kosmaç të Vau Dejësit. Ky aksident ndodhi në fshatin Stajkë ndërsa 74 vjeçarin është jashtë rrezikut për jetën nën kujdesin e mjekëve. Edhe më përpara aksidentet kanë qenë problem duke vijuar edhe tani tashmë me 3 të tillë brenda 24 orëve.
Njoftimet e policisë për secilin prej aksidenteve:
Më datë 11.05.2018, u referuan materialet në Prokurorinë pranë Gjykatës së Shkallës së Parë Shkodër, për shtetasin Z.H., vjeç 33, banues në Shkodër, pasi dyshohet se në lagjen “Skenderbeg”, duke drejtuar mjetin tip “Renault”, ka aksidentuar motoçiklistin Gj.N., vjeç 50, banues në fshatin Juban, Shkodër, i cili ndodhet në spital jashtë rrezikut për jetën. Nenet 290/1 i Kodit Penal.
Më datë 11.05.2018, u referuan materialet në Prokurorinë pranë Gjykatës së Shkallës së Parë Shkodër, për shtetasen E.M., vjeçe 31, banuese në fshatin Berdicë e Mesme, pasi dyshohet se në lagjen “Liria”, Shkodër, duke drejtuar mjetin tip “Volksëagen”, ka aksidentuar biçiklistin R.K., vjeç 74, banues në Shkodër, i cili ndodhet në spital jashtë rrezikut për jetën. Neni 290 i Kodit Penal.
Më datë 11.05.2018, u referuan materialet në Prokurorinë pranë Gjykatës së Shkallës së Parë Shkodër, për shtetasin D.H., vjeç 79, banuese në fshatin Stajka, Vau i Dejës, pasi dyshohet se në Stajka, Vau i Dejës, duke drejtuar pa leje drejtimi motorin tip “Yamaha”, pa targë, është përplasur me mjetin tip “Daimler Chrysler” me drejtues shtetasin F.D., vjeç 23, banues në fshatin Kosmaç, Vau i Dejës, për pasojë është dëmtuar drejtuesi i motorit D.H., i cili ndodhet në spital nën kujdesin e mjekëve. Nenet 290 e 291 të Kodit Penal. /Shkodranews
