Gjykata e Elbasanit ka shtyrë sërish seancën e ekstradimit për bosin turk të kriptomonedhës Farku Fatih Ozer. Ai u paraqit sot me pranga ne duar dhe shume i qete.
Ndërsa gjykata ka pranuar kërkesën e avokati të tij mbrojtës për të shtyrë seancën.
Edhe seanca e 6 tetorit u shty, pasi avokati i tij ka kërkuar njohjen e plote te dokumentacionit.
Shtetasi turk u arrestua në zonën e Vlorës teksa bënte plazh, ndërkohë që ai fshihej në një apartament në qytetin e Elbasanit.
Prokuroria e Stambollit ka në hetim 21 të pandehur në lidhje me skemën gjigande të mashtrimit përmes kriptovalutave, Thodex.
Emri kryesor në hetim është CEO i kësaj platforme, Faruk Fatih Ozer, i cili akuzohet se ka mashtruar rreth 400 mijë njerëz.
Nga personat e akuzuar, gjashtë prej tyre janë të burgosur aktualisht në Turqi, mes të cilëve edhe vëllai dhe motra e Faruk Ozer.
Sipas mediave turke, ndaj të pandehurve janë ngritur akuzat në Turqi për “krijimi dhe drejtimi i një organizate kriminale”, “mashtrimi duke përdorur sistemet e informacionit, bankat ose institucionet e kreditit” dhe “mashtrimit dhe pastrimit të vlerave pasurore që rrjedhin nga krimi”.
Për këto akuza, prokuroria ka kërkuar dënimin me burg në total të të pandehurve nga 12.164 vite burg deri në 40.562 vite burg
