Pas mesnatës, rreth orës 00:35, një autobus mori flakë në parkingun e një firme private në zonën e ish-uzinës së autotraktorëve në rrugën ‘Ali Demi’. Si pasojë e shpërndarjes së flakës janë djegur dhe dy autobusë të tjerë aty pranë.
Për momentin, dyshohet se shkaku i flakës ka qenë një defekt elektrik në autobusin e parë që mori flakë. Ndërkohë ngjarja po sqarohet nga grupi hetimor.
‘Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera(autobusë linje).
Grupi hetimor po punon për sqarimin e plotë të rrethanave të shkakut të rënies së zjarrit.’, njofton policia.
